Terme en Voorwaardes

Hierdie webwerf word bedryf deur Lilolex (Pty) Ltd, Reg. 2020/123456/07, handel dryf as Moerse Lekker Koffie, geleë in Pretoria, Gauteng. Ons is nie BTW-geregistreer nie, so alle pryse word gewys soos hulle is.

Alle pryse is in Suid-Afrikaanse Rand (ZAR) en sluit aflewering uit, tensy anders vermeld. Ons kan pryse en produkbeskikbaarheid enige tyd verander, maar 'n bestelling wat reeds betaal is, word teen die prys op daardie oomblik uitgevoer.

'n Bestelling kom eers tot stand wanneer ons die betaling ontvang en bevestig. Ons mag 'n bestelling weier of terugbetaal indien die produk uitverkoop is, 'n prysfout voorgekom het of ons vermoed die bestelling is bedrieglik.

Betalings word veilig deur PayFast verwerk. Ons stoor nooit jou kaartbesonderhede nie. Eienaarskap van die produk gaan eers oor sodra die volle bedrag ontvang is.

Ons Afleweringsbeleid en Terugsendbeleid vorm deel van hierdie terme en moet saam daarmee gelees word.

Niks in hierdie terme beperk jou regte ingevolge die Verbruikerswet 68 van 2008 of die Wet op Elektroniese Kommunikasie en Transaksies 25 van 2002 nie.

Ons aanspreeklikheid is, in soverre die wet dit toelaat, beperk tot die bedrag wat jy vir die betrokke bestelling betaal het. Ons is nie aanspreeklik vir indirekte of gevolglike verlies nie, insluitend maar nie beperk tot 'n gemiste sperdatum omdat jy eers koffie moes maak nie.

Die naam Moerse Lekker Koffie, die logo, die teks en die beelde op hierdie webwerf behoort aan Lilolex (Pty) Ltd en mag nie sonder ons skriftelike toestemming gebruik word nie.

Hierdie terme word deur die reg van die Republiek van Suid-Afrika beheer, en die Suid-Afrikaanse howe het jurisdiksie oor enige geskil.

Enige navraag of klag kan gerig word aan bestellings@moerselekkerkoffie.co.za. Ons antwoord vinniger as wat die koerier ry.